KIFO cha mwigizaji maarufu wa Nollwood, Muna Obiekwe kimezua gumzo kwa wapenzi na mashabiki wake, sambamba na wale wasiokuwa mashabiki wake ila wanafuatilia tasnia ya filamu nchini Nigeria, kuna mambo kadhaa ambayo yawezekana ulikuwa huyajui kuhusu staa huyo aliyefariki kutokana na matatizo ya figo.
Wapo watu waliosema Muna alikuwa muoga wa waandishi wa habari hakuwa tayari kujitokeza hadharani, kuomba kuchangishiwa fedha kwa ajili ya matibabu yake. Kwa sababu hakupenda watu kujua maisha yake binafsi.
Wengi wanasema kwamba hakutaka kuchangisha kwa kuhofia kujishusha kutokana na umaarufu aliokuwa nao, ingekuwa aibu kwa kwake. kwa watu watajiuliza atashindwa vipi kujitibia mpaka atafute fedha za michango, wakati wanapatiwa malipo mazuri.
Inaelezwa kwamba Muna alikuwa akinywa pombe sana, licha ya kukatazwa na daktari kunywa pombe. Alikuwa akijihudumia mwenyewe bila msaada wa watu wengine, lakini baadaye siku za mwisho za uhai wake alipata msaada mkubwa kutoka kwa mwanamama Patience Ozokwor na Kanayo O. Kanayo.
Licha ya kuwa mtu wa kuona aibu sana kueleza matatizo ya maisha binafsi, siku za mwisho za uhai wake aliwasiliana na muigizaji wa kike wa Nollywood, Ibinabo Fiberesima lakini hakuwa na msaada kwa sababu alifariki siku chache baadaye.
Alijua tatizo hilo siku nyingi lakini inaelezwa kuwa alijua atalitatua kimya kimya, aliyapuuzia maumivu aliyokuwa akiyasikia. Muna alikuwa na mke na watoto wawili lakini wengi hawakujua alikuwa akifanya maisha yake siri kubwa.
Habari ziko nyingi sana Nigeria baada ya msanii huyu kupoteza maisha. Wamoja wanasema kwamba alikufa kwajili ya kuendeleza pombe kwa kiasi kama inavyoojulikana alivyokuwa anaitumia. Wengine wakasema kwamba alikufa na ugonjwa wenyewe wa kifafa baada ya yeye kusema kwamba alikuwa ameishapona.
Kama inavyojulikana Muna ameacha pengo kubwa sana Nigeria kutokana na ujuzi wa uigizaji wake. Aliwahi kuigiza katika sinema inayoitwa Men in Love, sinema iliyopigiwa kelele sana Nigeria wakidai itachangia kuhamasisha ushoga.
Inasemekana kwamba aliweza kunywa pombe kwa kiasi kikubwa , ila director akisema action anaingia kwenye scene utazani ajalewa. Hiyo ni moja ya sifa yake tofauti na wengine wakilewa hawawezi kucheza vizuri. R.I.P Muna Obiekwe.
